ხელვაჩაურის მუნიციპალიტეტის ისტორიიდან

ანოტაცია

სტატიაში მოკლედ არის წარმოდგენილი ხელვაჩაურის მუნიცი­პა­ლიტეტის ისტორია უძველესი დროიდან (ნეოლითის ხანა - ძვ. წ. VII-VI ათას­წლეული) თანამედროვე პერიოდამდე. უძველესი პერიოდის ამსახველი არქეოლოგიური ძეგლებისა და წერილობითი წყაროების საფუძველზე განხილულია  კოლხეთისა და ლაზიკის სამეფოს ისტორია, რომელიც გეოგრაფიულად მოიცავდა ხელვაჩაურის მუნიციპალიტეტს.

ნაშრომში მოთხრობილია ისტორია ხელვაჩაურის მუნიციპალიტეტისა, რო­მელიც ქართლის (იბერია) და შემდეგ პონტოს სამეფოების შემადგენლობაში შე­დიოდა (სტრაბონის, პლინიუსის, კლავდიუს პტოლემაიოსის და სხვათა მიხედ­ვით), მოგვიანებით კი - ქართლის, შემდგომ გურიისა და ლიხთიმერეთის ქარ­თულ სამეფოში. საუბარია ბათუმის ირგვლივ არსებულ მნიშვნელოვან დასახ­ლე­ბებზეც - მატიუმზე, ციხისძირზე, აფსარუსზე (გონიო), ფიჭვნარზე. ყურადღება გამახვი­ლე­ბულია ქრისტეს მოციქულების აჭარაში მოგზაურობაზე და ამ ფაქტის ისტო­რიულ მნიშვნელობაზე.

ნაშრომში განხილულია რეგიო­ნის რუსეთთან გაერთიანება (1878), მისი რუ­სეთის იმპერიასა და საბჭოთა შემად­გენ­ლობაში ყოფნის პერიოდიც. ასევე გადმოცემულია ხელვაჩაურის მუნიციპა­ლი­ტეტში ეროვნული მოძრაობის ისტორიის მოკლე შინაარსი და საუბარია საქართ­ველოს დამოუკიდებელი სახელმწიფოს იურისდიქციის აღდგენაზე, ხელვაჩაურის მუნიციპალიტეტის ისტორიის უახ­ლეს პერიოდზეც.