ჟურნალის შესახებ

ჟურნალი, ,,ბსუ-ს ნიკო ბერძენიშვილის ინსტიტუტის შრომები“, დაფუძნებულია ბათუმის შოთა რუსთაველის სახელმწიფო უნივერსიტეტის სამეცნიერო-კვლევითი ერთეულის ,,ნიკო ბერძენიშვილის ინსტიტუტის“ ინიცირებით და წარმოადგენს   საერთაშორისო  რეფერირებად და რეცენზი­რებად პერიოდულ გამოცემას. ჟურნალს აქვს საერთაშორისო   სტანდარტული სერიული ნომერი პერიოდული გამოცემებისთვის. ჟურნალი გამოიცემა ელექტრონული და ბეჭდური სახით წელიწადში ორჯერ, ქართულ და ინგლისურ ენებზე.

ჟურნალი წარმოადგენს პლატფორმას მკვლევ­რებისთვის, რომლებიც მუშაობენ ისტორიის, არქეოლოგიის, ეთნოლოგიის, ფოლკლორის, დიალექტოლოგიის, ხელოვნებათმცოდნეობის, სოციოლოგიის მიმართულებით. გამოცემის მიზანია სოციალური, ჰუმანიტარული, ქართველოლოგიური და ინტერდისციპლინური კვლევის მიღწევების საერთაშორისო ინტეგრაცია, აკადემიური/სამეცნიერო პერსონალის და მკვლევრების სამეცნიერო-შემოქმედებითი პოტენციალის განვითარების ხელშეწყობა; მეცნიერებს შორის ინფორმაციის გაცვლა, დისკუსიის ხელშეწყობა და თანამშრომლობის ქსელების შექმნა; ჟურნალის პოპულარიზაცია, ქართველი და უცხოელი ავტორების მოზიდვა და საერთაშორისო სამეცნიერო გამოცემათა შორის ადგილის დამკვიდრება.

ჟურნალი წარმოადგენს ღიად ხელმისაწვდომ გამოცემას, რაც გულისხმობს მისი შინაარსის სრულად ხელმისაწვდომობას მომხმარებლებისათვის, დამატებითი გადასახადის ან რეგისტრაციის გარეშე. ჟურნალი აღიარებს და ითვალისწინებს საერთაშორისო საგამომცემლო პრინციპებსა და საუკეთესო პრაქტიკას.

საკვანძო სიტყვები: სოციალური მეცნიერებები; ჰუმანიტარული დარგები; ქართველოლოგიური ძიებანი; ინტერდისციპლინური კვლევები.

ჟურნალის DOI: 10.61671

ISSN: 1512-4991