ხალხური მედიცინის ისტორიიდან აჭარაში

ანოტაცია

ნაშრომი ეხება აჭარაში ხალხური მედიცინის ისტორიის წარ­მო­ჩენასა და მის მნიშვნელობას ზოგადად ხალხური მედიცინის შესწავლის საქმეში. წერილობითი წყაროების, ეთნოლოგიური მონაცემების, სამეცნიერო ლიტერა­ტუ­რის ანალიზისა და პრაქტიკული კვლევების საფუძველზე შესწავლილია ქართუ­ლი ტრადიციული სამედიცინო ყოფის ცალკეული საკითხი, განსაკუთრებული ყურადღება გამახვილებულია აჭარაში გავრცელებულ დაავადებებსა და მკურ­ნალობის მეთოდებზე, წარმოდგენილია საგვარეულოები, რომლებიც ამ საქმით იყვნენ დაკავებულები და აგრეთვე, გაანალიზებულია მაგიის მნიშვნელობა ხალ­ხურ მედიცინაში. კვ`ლევის პრაქტიკული ნაწილი ეხება დღევანდელ აჭარაში შე­მონახული მკურნალობის მეთოდების ანალიზსა და მნიშვნელობას.

კვლევის შედეგად დადგინდა, რომ ტრადიციული სამედიცინო ცოდნა და მკურნალობის მეთოდები აჭარაში უძველესი დროიდან იღებს სათავეს და გააჩ­ნია თავისი განვითარების ეტაპები, მისი ისტორია იწყება წარმართული პერიო­დიდან და დღემდე მოდის, სწორედ ამის გამო მას არამატერიალური კულტუ­რული მემკვიდრეობის ძეგლის სტატუსი მიენიჭა.

საველე მუშაობის საფუძველზე, მივედით იმ დასკვნამდე, რომ ხალხური მკურნალობის მეთოდები დღემდე არის შემორჩენილი რეგიონში, თუმცა ის მრავალფეროვანი სამკურნალო საშუალებები, რომლებსაც ტრადიციულად იყე­ნებდ­ნენ, მივიწყებულია და მხოლოდ ერთეულებთანაა შემონახული.

ხალხური მედიცინის საფუძვლიანი შესწავლა და მისი მიღწევების გამოყე­ნება უაღრესად მნიშვნელოვანია, რადგან ის ერის მდიდარი ისტორიული წარ­სულისა და კულტურის ერთ-ერთი შემადგენელი ნაწილია.